Policia italiane ka arrestuar një shqiptar, pasi u kap në një zonë të pyllëzuar duke u kujdesur për një plantacion me kanabis.
Shtetasi shqiptar po ujiste bimët e kanabisit në momentin që u arrestua nga policia. Plantacioni me 180 bimë kanabis gjendej pranë bregut të lumit Salinello në Komunën Tortoreto. Nëse do dilte në treg, malli do të kapte vlerën e afro 200 mijë eurove.
Kanabisi gati për t’u korrur u zbulua nga kontrolli me helikopter i zonës. Gjatë operacionit, policia sekuestroi një gjenerator, pompën e ujit, tuba që përdoreshin për vaditjen, etj.
