Një tjetër nismë e ndërmarrë nga “Fundjavë Ndryshe”, ka dhënë frytet e para të gëzimit për refugjatët, të cilët kanë ardhur në Shqipëri.
Vetëm të bashkuar dhe duke ndihmuar ata që kanë më shumë nevojë, shoqëria shqiptare mund të kapë ritmin që dëshiron në jetë.
Asnjë shqiptar nuk harron vuajtjet e vëllezërve tanë, të cilët kanë nisur nga zero çdo gjë, për një jetë më të mirë e të begatë.
Vuajtjet dhe sakrificat janë një pjesë e anës njerëzore, por një kontribut sado i vogël, është një dritë në fund të tunelit.
Këto foto dëshmojnë se shqiptarët i janë gjendur pranë refugjatëve, të cilët ndodhen në një qendër azilantësh.
Themeluesi i “Fundjavë Ndryshe”, Arbër Hajdari, njofton me anë të një postimi në Facebook se janë dhuruar shumë ndihma, duke nisur me ushqim e veshmbathje, krevatë e batanije.
Më konkretisht bëhet fjalë për 50 batanije, 50 dyshekë, 100 kuti me rroba, 100 paketa ushqimore.
“Nuk kemi çfarë të veshim, kemi ikur prej luftës !! Ne nuk duhet të harrojmë vuajtjet e çdo shqiptari që ka pasur në mërgim!
Sot dhuruam shumë ndihma, rroba, ushqim, krevatë, batanije, për refugjatët të cilët kanë ardhur në Shqipëri.
“Bamirësia nuk të varfëron”. Zoti ju bekoftë të gjithëve!”, shkruan Arbër Hajdari, në një postim në Facebook.
