Pas një ‘breshëri’ mesazhesh ku njoftonte lidhur me vendimet më të fundit, Rama u ka shtrirë dorën qytetarëve, duke u kërkuar që të vetëndërgjegjësohen, pasi lufta ndaj koronavirusit sapo ka nisur.
Referuar masave drastike, kryeministri Edi Rama u është drejtuar qytetarëve edhe me mesazhe përmes telefonit celular.
Mesazhi i dërguar me SMS
“Edi jam! Te lutem laj duart shpesh. Mos leviz nga shtepia per qejf. Hap dritaret sa të mundesh. Ruaju nga informacioni i rremë. Mos ki frikë, po bej shumë kujdes. Për çdo shenje merr 127. Te përqafoj nga larg!”.
Kryeministri Rama po ndërmerr masa të rrepta, për të parandaluar virusin vdekjeprurës në Shqipëri.
Koronavirusi u shpall pandemi, ndaj në Shqipëri janë mbyllur shkollat, është ndaluar transporti publik në Tiranë dhe në Durrës, janë ndaluar të gjitha aktivitetet dhe janë mbyllur restorante e lokale.
