Kryeministri Rama ka folur në lidhje me shqiptarët që kanë mbetur jashtë kufijve të vendit, për shkak të situatës së krijuar nga koronavirusi.
Gjatë një komunikimi live me qytetarët në Facebook, Rama deklaroi se nëse hapen kufijtë, nuk do të ketë më vend ku të varrosë njerëzit.
Kreu i qeverisë theksoi se pasi kthimi i shqiptarëve nga jashtë është rrezik potencial për përhapjen e koronavirusit.
Rama e cilëson situatën e krijuar nga përhapja e koronavirusit si “Lufta e tretë Botërore”.
“Më vjen keq, po dua ta them dhe këtë për hapjen e kufijve. Ndihemi keq, kur dua t’ju them bashkatdhetarëve tanë; nuk mund të vini dot në Shqipëri. Për një arsye të thjeshtë, pasi nëse ne hapim kufijtë dhe lejojmë kthimin në atdhe, ne nuk kemi më vend, për të varrosur njerëz jo si një Bergamo, as në Iran, por shumë më keq se kaq.
Nuk mendoj se cilido që e ka këtë stres, e vini në dyshim se ky është i vetmi qëllim. Duke ardhur vini në rrezik dhe veten dhe të tjerët. Jetën e keni të sigurt, vuajtjen të garantuar si gjithë të tjerë. Lufta vjen që të na sjellë vuajtje jo gëzim. Lufta ka sjellë vetëm viktima, plagë. Kjo është lufta e tretë Botërore.
Kur shikon që NATO është kthyer në një organizatë humanitare, dhe të gjitha arsenalet e armëve janë nëpër depo se si hynë askujt në punë. Asnjë armik s’do të mbyllte në shtëpi askënd. Ky armik i mbylli në shtëpi të vetë”, tha ai.
