Kryeministri Edi Rama, i ftuar në emisionin “Debati ne Channel One” me gazetarin ka komentuar edhe deklaraten e prokurorit te Antimafias italiane, se “mafia shqiptare bashkëpunon me Ndraghetën në Itali”
Rama u përgjigj se “historitë e Italisë nuk janë historitë e Shqipërisë. Qe ka shqiptarë mafiozë të lidhur me mafien në Itali unë as nuk e mohova as nuk përbën kjo një arsye për të thënë që në Shqipëri na paskan ndodhur 12 vrasje mafioze. Ky është një term shumë i avancuar. Këto vrasje janë vrasje për prishje pazaresh, të tilla ka dhe do të ketë. Jemi nga një vend që mbanim vendin e parë për numrin e vrasjeve, në një vend që jemi nën mestaren e vendeve evropiane. Kemi një rritje të pamendueshme të zbulueshmërisë”-shtoi ai.
Rama hkoi më tej , ndersa kritikoi edhe mediat për përdorimin e termit mafia, pasi sipas tij, Shqipëria ka organizata kriminale, por jo klane mafioze.
Intervista
Zoti kryeministër ka disa shifra në fakt nga policia që janë për t’u përshëndetur , e kam thënë dhe e them me zë të lartë. 52 të vrarë në vitin 2017 dhe 54 të vrarë në vitin 2015 është një shifër rekord si një shifër e ulët në krahasim me shifrat që kemi patur në këto 28 vjet. Por ajo që më shqetëson mua zoti kryeministër , vërtet kemi 52 të vrarë në 2017 por 12 nga këto janë vrasje mafioze për shkak të trafikut të drogës. Nuk ka ndodhur ndonjëherë në Shqipëri një numër kaq I madh për pazare droge, parcela droge.
Po për çfarë janë vrarë në të shkuarën, për qejf?
Shqiptarët janë vrarë dhe për një fjalë goje.
Fjalën mafioze nuk i bën ndonjë nder të madh këtij vendi që e përdorni kaq shpesh. Përdorimi masiv i fjalës mafje nuk shkon. Shqipëria ka krim të organizuar, ka organizata kriminale por nuk ka mafje. Shqipëria ka mjete kriminale.
Këtë e tha prokurori Kombëtar i Antimafias italiane
Historitë e Italisë nuk janë historitë e Shqipërisë.
Zoti Rama ai tha që mafia shqiptare ka bashkëpunuar me Ndraghetën dhe Sacra Coronën.
Qe ka shqiptarë mafiozë të lidhur me mafien në Itali unë as nuk e mohova as nuk përbën kjo një arsye për të thënë që në Shqipëri na paskan ndodhur 12 vrasje mafioze. Ky është një term shumë i avancuar. Këto vrasje janë vrasje për prishje pazaresh, të tilla ka dhe do të ketë. Jemi nga një vend që mbanim vendin e parë për numrin e vrasjeve, në një vend që jemi nën mestaren e vendeve europiane. Kemi një rritje të pamendueshme të zbulueshmërisë.
Mos e thoni këtë, ju lutem sepse e kam dëgjuar dhe disa herë të tjera. Ky është një autogol. Zbulueshëmria e krimit në Shqipëri ka qenë gjithmonë e lartë. Kemi një rritje të pamendueshme më parë të zbulueshmërisë. Janë 6 vrasje të kryera gjatë këtij viti dhe janë të gjitha të zbuluara.
