Ministria e Mbrojtjes ka reaguar për lëkundjen e tërmetit në Durrës, e cila u ndje rreth orës 22:10. Sipas IGJEUM, tërmeti ishte me magnitudë 4 të shkallës rihter. Po kështu epiqendra ishte në Safetaj (Durrës) dhe thellësi 36 km. Sipas informacioneve të Ministrisë së Mbrojtjes, deri më tani nuk raportohet për dëme.
NJOFTIMI ZYRTAR
Sipas IGJEUM, termeti i ores 22.05 ishte me magnitude 4 te shkalles rihter, me epiqender ne Safetaj (Durres) dhe thellesi 36 km. Sipas komunikimit me shtabet e EC ne qarqet Durres e Tirane, nuk ka deme ne njerez apo materiale deri tani.
Sizmologu Rrapo Ormeni u shpreh për Report Tv se nuk ka vend për panik, pasi janë paslëkundje pas tërmetit të 26 nëntorit.
“Tërmeti ka qenë në vijim të pasgoditjeve të tërmetit të 26 nëntorit. Është me magnitudë 4, me epiqendër në fshatin Safetaj të Durrësit. Një lëkundje normale. Edhe pas tërmetit para 3 ditësh ky është shumë i vogël, por në vazhdën e atyre pasgoditjeve që po vijojnë pas tërmetit të madh.
Shpejtësia e tyre ka ardhur duke u ulur në krahasim me muajt e parë. Aktiviteti sizmik është i lartë, pasi në 40 vitet e fundit ka qenë i ulët”, tha ai.
