Presidentja e Kosovës, Vjosa Osmani ka uruar Shqipërinë dhe Maqedoninë e Veriut për çeljen e negociatave në BE. “Urime Shqipërisë dhe Maqedoninë e Veriut për një hap më afër BE-së. Në këtë kohë vendimtare, përshpejtimi i procesit të zgjerimit për vendet demokratike të BB është një domosdoshmëri! Ne u bëjmë thirrje shteteve anëtare që urgjentisht të zbatojnë vendimin e vonuar për lirimin e vizave, për qytetarët tanë”, shkroi ajo.
Congratulations to 🇦🇱 & 🇲🇰 for taking one step closer to the EU.
At this determining time, accelerating the enlargement process for democratic WB countries is a must!
We call on 🇪🇺 member states to urgently deliver on the overdue decision on visa lib. for our citizens.
— Vjosa Osmani (@VjosaOsmaniPRKS) July 19, 2022
Edhe kryeministri i Kosovës, Albin Kurti ka përcjellë urimet, ndërsa thotë se Kosova i feston këto arritje të fqinjëve. “Urime për Shqipërinë dhe Maqedoninë e Veriut për hapjen e negociatave me Bashkimin Europian. Kosova feston arritjet e juaja historike dhe iu bashkohet në zotimet drejt reformave që do të transformojnë vendet tuaja dhe do të forcojnë rajonin tonë në Europë”, ka shkruar Kurti në Twitter.
Congratulations to Albania and North Macedonia for opening accession negotiations with the European Union.
Kosova celebrates your historical achievement and joins in your commitment towards reforms that will transform your countries and strengthen our region and Europe.— Albin Kurti (@albinkurti) July 19, 2022
Konferenca e parë ndërqeveritare që u mbajt sot në Bruksel, u mbyll me duartrokitje nga të pranishmit në sallë.
Përfaqësuesi i BE-së deklaroi se tashmë shënohet hapja e negociatave për integrimin e Shqipërisë në BE.
“Në këtë slide mund të shënojmë hapjen e negociatave për integrimin e Shqipërisë në Bashkimin Evropian. Momenti nisi tani”, tha ai.
