Rama foli sot në konferencën për mediat, në lidhje me situatën e rënduar nga koronavirusi. Pyetja që bëjnë më shpesh qytetarët lidhet me faktin nëse vendi i ka kapacitetet për të përballuar situatën, dhe nëse mund ti rikthehemi mbylljes. Kryeministri Rama tha se Shqipëria nuk mund të mbyllet sërish, pasi kjo do të sillte pasoja kritike.
“Një mbyllje tjetër është diçka me përmasa jashtëzakonisht kritike për të gjithë. Një kontroll i rregullave në hapjen me polici dhe ushtri për çdo qytetarë, është i pamundur. Rritja e numrave ndodh në të gjitha vendet që hapen, dhe është çdo qytetar që duhet të marrë përgjegjësinë vetë.
Ne po bëjmë çmos për sa na takon, por unë nuk mendoj se ne duhet t’i rikthehemi mbylljes. Por të gjithë duhet të jemi të vetëdijshëm se virusi nuk ka ikur.
Ne nuk rrimë dot, mbyllu-hapu se virusi është aty. Ne tani jemi të përgatitur për të përballur këtë rritje numrash, por nëse duam të ruajmë këtë trend dhe minimizojmë pasojat, çdokush duhet të marrë përgjegjësitë e veta”, deklaroi kryeministri Rama.
