Konspiracionisti Alfred Cako ka bërë një parashikim të frikshëm, ku sipas tij, vendi ynë do të përjetojë një karantinë të dytë. Ndonëse ende nuk ka një konfirmim nga ana e qeverisë, ai surprizoi duke dhënë edhe një datë se kur mund të ndodhë një mbyllje e dytë.
Cako aludoi se e gjithë Evropa do të përjetojë një karantinë të dytë, ndërsa vendi ynë do të jetë nga të fundit vende që do të aplikoj sipas tij, vazhdën e izolimit. Ai parashikoi se kjo mbyllje do të ndodhë para datës 23 tetor. Po sipas tij, do të qarkullojë një virus që do të jetë 30% më i fortë, i cili është realizuar në vitin 2015 në laborator.
“Me 25 tetor parashikohet vala e tretë. Do të hidhet një virus që do të jetë 30% më i fortë, i cili është realizuar në vitin 2015 në laborator. Viruset janë shpikur në laborator, ka dalë njëherë patenta dhe më pas e ka pësuar popullsia në virus.
Kështu ka ndodhur dhe me COVID-in, i cili është një përzierje e disa lloje virusesh. Këto hidhen me avion. Në Shqipëri do të ndodhë bllokimi. Në Shqipëri unë mendoj që me datën 23 tetor do të jemi të mbyllur.
E gjithë Evropa do të jetë e mbyllur përpara kësaj date, ne do të jemi nga vendet e fundit”, u shpreh Cako në studion e emisionit “E Diell”, në rubrikën “Rrethi Katror”.
