Ka shkuar në 51 numri i të prekurve nga koronavirusi. Në 563 raste të dyshuara, 51 raste kanë rezultuar pozitive.
Ministria e Shëndetësisë njofton se 20 pacientë janë të shtruar tek Infektivi. Nga këta, tre prej tyre në terapi intesive.
“Qëndroni në shtëpi. Respektoni rregullat e vendosura nga autoritetet”, tha Zv/Ministrja e Shëndetësisë, Mira Rakacolli.
“Në vijim të punës së kujdesshme dhe profesioniste të bërë nga ISHP dhe njësitë e kujdesit vendor, për identifikimin dhe gjurmimin e rasteve, në 24 orët e fundit janë testuar 31 persona të dyshuar, qytetarë dhe personel shëndetësor, prej të cilëve janë konfirmuar 9 raste të reja me COVID-19.
Deri në këto momente janë testuar 563 raste të dyshuara dhe prej tyre janë të konfirmuar pozitivë me COVID-19, 51 raste:
Nga rastet e konfirmuara pozitivë:
Tiranë 34 raste
Durrës 5 raste (njëri prej të cilëve ka ndërruar jetë)
Lushnje 2 rast
Elbasan 2 raste
Fier 6 raste
Rrogozhinë 2 raste
Prej tyre:
20 janë të shtruar në spitalin Infektiv (nga Tirana, Durrësi, Fieri, Lushja dhe Rrogozhina).
Prej tyre janë në terapi intensive tre qytetarë, njëri prej të cilëve në respiracion të drejtuar. Ndërsa pjesa tjetër e të shtruarve në pavion janë në gjendje të stabilizuar, deri në këto momente”.
