Qytetarët në Spanjë kanë filluar që të shqetësohen sërish nga koronavirusi.
Numri i rasteve të reja me COVID-19 është rritur ndjeshëm ndërkohë në një zonë të banuar prej 210,000 personash, janë rikthyer masat e izolimit.
Autoritetet kanë paralajmëruar se askush nuk do të lejohet të hyjë apo të dalë nga Segria, një zonë në perëndim të Barcelonës, që përfshin edhe qytetin Lledia:
“Ne po ndërmarrim këto hapa për të mbrojtur veten dhe për të kontrolluar shpërthimin e koronavirusit”.
Në Spanjë është raportuar për 400 infektime të reja dhe dy viktima nga pandemia.
Vetëm në qytetin Lledia, janë regjistruar 155 raste të reja me koronavirus.
Kujtojmë se në total, Spanja ka shënuar 28,385 vdekje nga COVID-19.
Ky shtet ka rihapur kufijtë e tij me vendet e Bashkimit Evropian dhe Mbretërinë e Bashkuar, me qëllim që të ringjallë turizmin.
