Detaje të reja janë hedhur në dritë lidhur me shpërthimin në autostradën Lezhë-Laç, nga ku mbetën të plagosur 6 persona. Paraprakisht mësohet se fillimisht ka shpërthyer depozita e karburantit, dhe më pas një automjet i cili ishte aty pranë. Si pasojë e shpërthimit të fuqishëm, kanë mbetur të plagosur 6 persona, nga të cilët 2 prej tyre kanë qenë punonjës në këtë pikë karburanti.
Mësohet se dy prej të plagosurve ndodhen në gjendje më të rëndë, të cilët janë dërguar me urgjencë drejt Tiranës. Njëri prej ka marrë dëmtime të shumta në fytyrë, ku dyshimet e para janë se ka qenë me makinë duke kaluar rrugën në momentin që ka rënë zjarri, por ky është një informacion ende i pa konfirmuar. I plagosuri tjetër është dërguar në QSUT, për shkak se ka marrë djegie në trup në masën 50%.
