E premte, 3 Dhjetor, 2021
13.5 C
Tirana

Fatos Klosi zbardh prapaskenat: Ja si Berisha pritet të bjerë në rrjetën e SPAK

Ish-kryetari i Shërbimit Informativ Shtetëror, Fatos Klosi tregoi dje sesi ish-kryeministri Sali Berisha mund të përballet me drejtësinë e re. Shumë njerëz besojnë se Struktura e Posaçme Antikorrupsion do të bëjë të mundur shfarosjen e korrupsionit dhe krimit të organizuar në nivele të larta. Një nga këta njerëz që besojnë tek SPAK është edhe Fatos Klosi. Gjatë një prononcimi për gazetën “SOT”, Klosi deklaroi se përmes SPAK do të hetohen dhe ndëshkohen shumë zyrtarë. Sipas tij, pjesë e këtij grupi duhet të jetë edhe Sali Berisha. Për Klosin, ish-kryeministri është treguar shumë i aftë dhe ka fshehur çdo gjurmë të aferave që mund të ketë kryer. Por ai shtoi se ka edhe mënyra të tjera që mund të zbulojnë skandalet e Sali Berishës.

“Unë them që Berisha duhet të jetë i rrezikuar nga SPAK, pastaj është apo jo këtë nuk e kam shumë të sigurt sepse ai është vërtet një burrë shumë i zoti. Berisha është sipas asaj fjalës së urtë: Di të vjedhësh? Di. Di të fshehësh? Nuk di. Mos vidh pra. Berisha është i zoti, ai nuk ka lënë dokumente. Ai, edhe në Këshillin e Ministrave kur ka qenë në pushtet, ka firmosur vetëm vendime kolektive. Kështu që Berishën nuk e kap dot. Por ka mekanizma të tjerë plot. Nëse ka krim në valle, krimi nuk është vetëm tek një njeri. Nuk e bën dot një njeri i vetëm. Ajo që ka ndodhur ka implikuar edhe emra të tjerë dhe mbase kështu dalin edhe emrat e atyre që kanë qenë të zotë të fshehin gjurmët”, deklaroi Fatos Klosi.

Pra, ish-kreu i SHISH në një farë mënyre paralajmëroi Berishën se nga drejtësia e re nuk do të shpëtojë dot, pavarësisht se ai mund të jetë treguar shumë i zgjuar në fshehjen e skandaleve.

Klosi: Ndëshkimi nga SHBA

Fatos Klosi e vijoi më tej reagimin e tij paralajmëruar se pushtetarëve të korruptuar ndëshkimi do t’iu vijë nga ndërkombëtarët. Sipas tij, politikanët shqiptarë janë të trembur nga reforma në drejtësi dhe një gjë të tillë e tregon fare qartë sjellja e tyre kohët e fundit. Klosi theksoi se pushtetarët janë paralajmëruar nga ndërkombëtarët, të cilët kanë prova në duar kundër tyre, se nuk do t’ia hedhin dot paq nga reforma në drejtësi. “Kam besim sepse shoh edhe që politikanët po tremben. Ata janë të trembur. Të gjitha sjelljet e pazakonta të të gjithë politikanëve të mëdhenj e tregojnë këtë. Është një periudhë sjelljesh të pazakonta dhe këto tregojnë që ata diçka dinë. Sigurisht që dinë diçka më shumë se neve sepse kanë kontakte dhe mbase edhe jua kanë thënë nga pak me shaka që janë të rrezikuar. Kështu që nga kjo nisem që besoj që do të bëhet. Pavarësisht trembjes së tyre, duhet thënë se politikanët nuk e ndalojnë dot reformën. Madje, nëse do të bënin tentativa për ta ndaluar në këtë periudhë, do të binin në sy akoma më shumë dhe do të tregohej qartazi që janë të trembur. Sepse natyrisht, ndërkombëtarët që i trembin kanë prova, por hetime nuk janë bërë. Fakti që janë trembur, ata e dinë më mirë se të gjithë se çfarë kanë bërë. Këto prova që janë mbledhur janë në duart e ndërkombëtarëve”, u shpreh ish-kreu i SHISH për gazetën.

Lexo edhe :   Nëse “Foltorja” është demokraci, atëherë PD e meriton Berisha&Bashën
Lexo edhe :   Haklaj: Berisha është kurbani politik i epokës së re

Për Fatos Klosin, një sinjal se SPAK do të bëjë drejtësi në radhët e pushtetarëve është efekti që ka dhënë deri tani procesi i vetingut në sistemin gjyqësor. Sipas tij, duke qenë se nga gjyqësori u shkarkuan shumë njerëz të njohur, e njëjta valë do të përfshijë edhe politikën. “Vetë procesi që ndodhi në sistemin gjyqësor të jep shpresë që gjërat do të bëhen. U prekën shumë emra që konsideroheshin të paprekshëm në Gjykatën Kushtetuese e në Gjykatën e Lartë. Kjo është një provë që mbase edhe në politikë do të ndodhë e njëjta gjë. Atje janë peshqit e mëdhenj, për sa kohë që këtë vend e ka komanduar politika”, deklaroi Fatos Klosi. /Gazeta SOT

 

- Reklama -

Më shumë nga kategoria




Të fundit

Bora dhe Semi do të “hakmerren” ndaj Donaldit në “Për’puthen Prime”

Puthjet e Donaldit me Beatrixin, kanë shkaktuar një bum komentesh në rrjet. Fansat janë ndarë në grupe, ndërsa ende nuk ka patur një reagim...

Sfida mes një intelektuali që kërkon të vërtetën dhe një politikani që gënjen

Nga: Andi Bushati Ka një aksiomë të mirënjohur që shpjegon përplasjen e një politikani me një intelektual në arenën publike: Sipas saj, i pari tenton...

S’donte të bënte vaksinën, italiani shkoi me krahun prej silikoni

Disa mund të akuzohen se po përpiqen t'i shmangen sistemit për të marrë një certifikatë vaksine, por mbase askush nuk është aq i shkathët...

S’ka më lavazhe e servise makinash poshtë pallateve!Veliaj tregon masat e reja

Kryebashkiaku i Tiranës, Erion Veliaj, gjatë një dëgjese të zhvilluar me ministren e Mjedisit dhe Turizmit, Mirela Kumbaro, dhe përfaqësues të institucioneve të përfshira...

Vrasja e ish-deputetit, Artan Hoxha nxjerr videon

Kristian Klemendit dhe Marjan Kolës, të dyshuar për vrasjen e Pashko Ujkës u është komunikuar arrestimi ditën e sotme. Edhe pse ata kanë mohuar...