Gjatë mbrëmjes është sulmuar autobusi i linjës Prishtinë-Frankfurt. Ngjarja është shënuar në Krushevac të Serbisë. Me këtë autobus po udhëtonin shqiptarët e Kosovës, të cilat kishin si destinacion final disa qytete të shtetit gjerman. Nga sulmi ka pasur vetëm dëme materiale, ku është thyer xhami i parë i autobusit.
Mjeti ishte duke kaluar në Krushevac, kur është gjuajtur me gurë në drejtim të tij, raportojnë mediat kosovare.
Ndonëse i përkiste një agjencie kosovare, autobusi është me targa të Shqipërisë. Policia serbe ka nisur hetimet për rastin, dhe po punon për identifikimin dhe kapjen e agresorëve.
