Arrestohet pronari i pikës së karburantit që shpërtheu ditën e djeshme në Fier. Mësohet se në pranga ka rënë, Sokol Meçe, 62 vjeç.
Ngjarja ndodhi në fshatin Portëz, ndërsa fatmirësisht nuk pati asnjë të plagosur. Sipas policisë në pikën e gazit ka rënë një zjarr dhe si pasojë ka pasur shpërthimi, ku janë dëmtuar banesa e godina përreth.
62-vjeçari akuzohet për “Shkelje të rregullave mbi lëndët plasëse, djegëse dhe radioaktive” dhe “Shkelja të rregullave të mbrojtjes në punë” e mbetur në tentativë.
“Ishte duke punuar punëtori dhe vë re një problem. U mundua të fikte atë dhe gazi po avanconte më tepër. Kur erdhi zjarrfikësja ai e kishte fikur çdo gjë. Pati dëme vetëm në disa llamarina. Ne reaguam menjëherë me fikset e zjarrit. Edhe zjarrfikësja erdhi, por ne e kishim nën kontroll”, u shpreh pronari Meçe, ditën e djeshme në një prononcim për Report Tv.
