Dje, forcat xheniere shembën me shpërthim të kontrolluar ndërtesën e parë shumëkatëshe të futur në ‘listën e zezë’ në Durrës. Ndërtesa ishte një hotel 6-katësh, që kishte pësuar dëmtime në strukturën mbajtëse pas tërmetit që goditi vendin javën e kaluar.
Rrafshohet me tritol brenda pak sekondash hoteli 6 katësh në Durrës (VIDEO)
Shembja me eksploziv u bë për shkak se ndërtesa ishte në afërsi të ndërtesave të tjera dhe përbënte rrezik për këto të fundit.
Pas 4 orësh pune, shpërthimi u realizua me sukses nga forcat xheniere. Ndërkohë, procesi i shembjen vijon edhe ditën e sotme.
Ministria e Mbrojtjes ka bërë të ditur se efektivët e Batalionit të Xhenios të Forcave të Armatosura do jenë edhe sot në terren. Ata po punojnë për shembjen e kontrolluar të 2 objekteve 5-katësh në Shkozet. Të dyja ndërtesat janë kualifikuar si të pabanueshme nga ekspertët.
