Një sasi tritoli ka shpërthyer pranë portës së një shtëpie në Mat mëngjesin e sotëm. Policia raporton se janë shkaktuar vetëm dëme materiale, dhe fatmirësisht nuk raportohet për të lënduar. Tritoli ishte vendosur në murin e banesës së Ramazan Hysës në Komsi. Shpërthimi në murin e Hysës ka ndodhur në orët e para të mëngjesit nga persona ende të paidentifikuar.
Mat/informacion paraprak
Më datë 02.08.2022, në njësinë administrative Komsi, dyshohet se pranë portës së murit rrethues të banesës së shtetasit R.H., ka shpërthyer një sasi e vogël lëndë plasëse. Si pasojë ka vetëm dëme materiale.
Grupi hetimor ndodhet në vendngjarje, dhe vijon puna për zbardhjen dhe dokumentimin e plotë të ngjarjes.
