Një shpërthim me lëndë plasëse ka ndodhur në orët e para të ditës, në rrugën “Komuna e Parisit”. Paraprakisht policia bën me dije se në pjesën e derës së një lokali, ka shpërthyer një sasi e vogël lënde e dyshuar plasëse.
Fatmirësisht nuk raportohet për të lënduar, por vetëm për deme materiale.
“Më datë 26.07.2019, në orët e para të mëngjesit, në rrugën “Komuna e Parisit”, në pjesën e derës së një lokali, ka shpërthyer një sasi e vogël lënde e dyshuar plasëse, duke shkaktuar vetëm dëme materiale. Shërbimet e policisë po punojnë për identifikimin dhe kapjen e autorit”.
