Rreth orës 01:05 të mëngjesit ka shpërthyer një sasi eksplozivi pranë një banese në Laprakë.
Persona ende të paidentifikuar janë afruar në banesën që rezulton në pronësi të 47-vjeçarit me iniciale Gj.Ll., dhe kanë hedhur një sasi lëndë plasëse.
Nga shpërthimi, lënda plasëse ka shkaktuar vetëm dëme materiale. Policia ka mbërritur në vendin e ngjarjes, dhe po heton në lidhje me rastin në fjalë.
Njoftimi i policisë Tiranë
Më datë 21.07.2020, rreth orës 01:05 të mengjesit, në Laprakë, në derën e jashtme të banesës së shtetasit GJ.LL., 47 vjeç, ka shpërthyer një sasi e vogël e dyshuar si lëndë plasëse, duke shkaktuar vetëm dëme të vogla materiale. Grupi hetimor dhe shërbimet e Policisë vijojnë punën për zbardhjen e rrethanave të ngjarjes, identifikimin dhe kapjen e autorit.
