Durrësi është tronditur mëngjesin e sotëm me një shpërthim tritoli. Një sasi lëndë plasëse i është vendosur mjetit të shtetasit me inicialet L. K., me detyrë efektiv policie në Durrës, e cila ka shpërthyer.
Makina e policit ka qenë e parkuar para banesës, ku janë shkaktuar vetëm dëme të vogla materiale. Uniformat blu kanë shoqëruar disa persona, që dyshohen që mund të kenë dijeni për rrethanat e ngjarjes. Po kështu, grupi hetimor ndodhet në vendngjarje, dhe po punon për zbardhjen e rrethanave të ngjarjes.
“Më datë 03.09.2021, rreth orës 06:25, në lagjen nr.17, Durrës, dyshohet se është vendosur dhe ka shpërthyer një sasi e vogël lëndë plasëse në mjetin e parkuar para banesës, në pronësi të shtetasit L. K.,(punonjës policie), nga e cila ka vetëm dëme të vogla materiale.
Shërbimet e Policisë kanë shoqëruar disa persona që dyshohen që mund të kenë dijeni për rrethanat e ngjarjes.
Grupi hetimor ndodhet në vendngjarje dhe po punon për zbardhjen e rrethanave të ngjarjes, identifikimin dhe kapjen e autorëve”, njofton policia.
