Një shpërthim tritoli është regjistruar jashtë një banese në zonën e Fushë Krujës, në orët e para pas mesnate.
Sipas policisë, lënda plasëse ka shpërthyer jashtë banesës së shtetasit E.K., 22 vjeç. Fatmirësisht nuk ka pasur lëndime në njerëz, teksa policia po heton ende për zbardhjen e ngjarjes.
Kujtojmë se ky është rasti i dytë brenda javës, që në Fushë Krujë një banese i vendoset një sasi tritoli. Të hënën u regjistruar një tjetër rast, ku një 17-vjeçareje të dhunuar i kishin vendosur tritol jashtë banesës.
Lënda plasëse u pa nga e ëma e saj, e cila njoftoi autoritet.
Krujë/Informacion paraprak
Më datë 15.07.2020, rreth orës 02:15, jashtë rrethimit të banesës së shtetasit E.K., 22 vjeç, në Fushë Krujë, ka shpërthyer një sasi lëndë plasëse, nga e cila ka vetëm dëme të vogla materiale.
Grupi hetimor po punon për zbardhjen e ngjarjes, identifikimin dhe kapjen e autorëve.
