Kryetari i Këshillit Kombëtar të Partisë Demokratike Bujar Nishani, i cili është një nga kritikët që kërkoi dorëheqjen e kryedemokratit Lulzim Basha, pas humbjes së zgjedhjeve të 25 prillit, ishte sot në Mat në krah të kandidates për kryetare partie, Edit Harxhi.
Gjatë fjalës së mbajtur, Nishani kritikoi fushatën e bërë nga Basha, pasi sipas tij, nuk u denoncua asnjë rast korrupsioni për politikanët në pushtet.
Nishani u shpreh se në parlamentin e ardhshëm, duhet të miratohet një ligj, ku të gjithë politikanët t’i nënshtrohen vettingut, qofshin ato në poste të tanishme, por edhe ata që kanë qenë dikur President, kryeministër, apo ministër.
Bujar Nishani: ”Një muaj fushatë nuk folëm dhe denoncuam me dhjetëra hajde korrupsioni dhe hajdutërie, nuk folëm. Cfarë të bëjmë për të kthyer besimin e njerëzve? Parlament ligji i parë; vetting, hetim dhe konfiskim i cdo luge dhe piruni që ke t’i ke shtëpia si politikan, që nuk e justifikon me paratë që ke marrë në gjithë këto vite. Dhe jo vetëm këta që janë atje, por cfarë kanë qenë, president, kryeministër, ministër deputet, cfarë kanë qenë në 10 vitet e fundit. Nuk e miraton Edi Rama? Referendum. Që kush kanë qenë 10 vitet e fundit njerëz që kanë pasur pushtet, të gjithë në skaner dhe kush nuk e justifikon shtëpinë, llogarinë bankare apo makinën, konfiskim. Po e bën Kosova sot. Të bëhesh vetë pasqyrë dhe objekt i verifikimit të dalësh vetë i pari në dritën e diellit”.
