Policia në Kosovë ka arrestuar një person, i cili dyshohet se ka shpërndarë në rrjetet sociale foto dhe video të rreme për kreun e LDK-së, Isa Mustafa.
Në këto postime thuhet se Mustafa ka ndërruar jetë nga koronavirusi. Policia është lajmëruar në lidhje me këto postime nga sekretari i LDK-së, Arban Abrashi.
Abrashi ka konfirmuar për Express se policia ka arrestuar një të dyshuar, lidhur me këtë çështje.
Isa Mustafa ka rezultuar pozitiv me koronavirus një javë më parë, teksa familjarët e tij tregojnë se është në gjendje të mirë shëndetësore.
