Një 32-vjeçar është arrestuar ditën e sotme, pasi dyshohet se ai shpërndante drogë në një shkollë të qytetit të Lushnjes.
Në pranga ka rënë shtetasi me iniciale M.B., i cili u kape me disa doze lënde narkotike në ambientet e një shkolle. Ai akuzohet për “prodhim dhe shitje të lëndëve narkotike”.
Njoftimi i policisë:
Lushnje
Shpërndante lëndë narkotike në shkolla, Patrulla e Policisë Lushnje kap në flagrancë autorin.
Sekuestrohen disa doza lëndë narkotike e dyshuar Cannabis Sativa.
Specialistët për Hetimin e Narkotikëve në Drejtorinë Vendore të Policisë Fier, bën arrestimin e shtetasit:
M.B, 32 vjeç, banues në Lushnje.
Arrestimi i këtij shtetasi u bë pasi në ambientin përreth shkollës u kap me disa doza lëndë narkotike të cilat u sekuestruan në cilësinë e provës materiale.
Materialet i kaluan Prokurorisë pranë Gjykatës së Shkallës së Parë Lushnje për veprën penale “Prodhimi dhe shitja e narkotikëve” dhe “Nxitja për përdorimin e drogës”.
