Ciro Immobile është zyrtarisht fituesi i “Këpucës së Artë” të Europës për sezonin 2019-2020.
Sulmuesi italian i Lazios kishte vetëm një kundërshtar që mund t’ia rrëmbente këtë çmim: Cristiano Ronaldon. Por, portugezi i Juves, të cilit gjithsesi i duhej që të shënonte 4 gola për ta barazuar Immobilen, nuk u grumbullua për ndeshjen e fundit të kampionatit nga trajneri Maurizio Sarri.
Me 35 gola të realizuar deri tani, Ciro kryeson renditjen e golashënuesve, duke lënë pas Robert Lewandowskin e Bayern Munchen (34 gola).
“Këpuca e Artë” nuk fitohej nga një lojtar i Serisë A nga sezoni 2006-2007. I fundit fitues ishte Francesco Totti, shkruan “A2”.
