15-vjeçarja Drita Cakoni, sot do të përcillet për në banesën e fundit. E reja humbi jetën në tërmetin e 26 nëntorit, bashkë me të atin Kastriot Cakoni. Ata u nxorën nga gërmadhat e pallatit të shembur në Thumanë.
Sot, mësueset dhe shoqet e klasës janë mbledhur për ti dhënë lamtumirën të miturës, e cila u shua nga tërmeti. Kamera e “Abc News” ka fiksuar këto momente tejet prekëse, kur mësueset përpiqen të ngushëllojnë shoqet e Dritës.
Deri më tani konfirmohet për 40 të vdekur, dhe 658 të plagosur. Pas dy netësh, ekipet e kërkim-shpëtimit kanë ndërprerë kërkimet në Thumanë, pasi personat e raportuar nga familjarët si të humbur janë gjetur. Ndërsa kërkimet vijojnë në zonën e ish-Kënetës në Durrës, dhe në pallatin 6 katësh në lagjen numër 18, pranë Kryqit të Kuq në qytet.
