Brenda muajit dhjetor, pritet të shkrihet Prokuroria dhe Gjykata e Krimeve të Rënda. 11 prokurorë të Shkallës së Parë dhe 3 të Apelit do të transferohen në prokurori të tjera rrethesh, kryesisht në ato të Apelit.
Sipas diskutimeve në mbledhjen e fundit, ku u bë emërimi i 8 emrave të SPAK u fol dhe për emrat që do të largohen nga Prokuroria e Krimeve të Rënda.
Sipas gazetës “Sot”, disa prej emrave që do të transferohen janë: Besim Hajdarmataj, Arenc Çela, Blerim Tominaj, Njazi Seferi, Olsian Çela, Henrik Ligori, Sonila Muhametaj, Pranvera Pustina, Vladimir Mara, Dritan Prençi. Shumica e tyre pritet fillimisht të kalojnë Vetting-un.
