Dërgoi dorëheqjen me postë, Agron Tufa largohet dhe kërkon azil në Zvicër

Drejtori ekzekutiv i Institutit për Studimin e Krimeve dhe pasojave të Komunizmit në Shqipëri (ISKPK), Agron Tufa, ka dhënë dorëheqjen nga posti i tij.

Sipas Report Tv, Tufa e mori këtë vendim për shkak të kërcënimeve të shumta për jetën që ai ka marrë.

Agron Tufa mësohet se ka kërkuar azil politik në Zvicër ku edhe ndodhet bashkë me familjen e tij. Ai ka paraqitur dorëheqjen nga atje, përmes një letre dërguar kryetarit të Bordit Drejtues te ISKPK, Uran Butka.

Kujtojmë se avokati i tij, Kujtim Cakrani ka deklaruar më herët, në studion e Report Tv, se klienti i tij po kërcënohej nga persona anonim. Sipas avokatit, Tufa ka një dosje ku janë të përfshirë emra që në të kaluarën kanë kryer krime por sot kanë poste drejtuese.

Lexo edhe :

• Ekspertët nga Zvicra zbresin në terren, testojnë stabilitetin e banesave

• 10 vite pas ndarjes, kush është miliarderi turk që i ka rrëmbyer zemrën Gentës

• Greqia do t’i mbyllë dyert për migrantët që nuk kanë të drejtë azili