Ashtu siç ishte paralajmëruar edhe më herët kryeministri Edi Rama po zhvillon takimin elektoral në Shkodër.
Pavarësisht tentativave të militantëve të PD-së për të ndaluar zhvillimin e takimit, Rama nuk e anuloi atë.
Takimi u shty me vetëm 15 minuta, ndërkohë Rama gjatë fjalës së tij i ka mëshuar fort faktit se zgjedhjet do të mbahen në datën 30 qershor.
Ndër të tjera ai foli edhe për lutjet e herëpashershme që i ka bërë kreut të PD-së Lulzim Basha për marrëveshje: “Si Romeo poshtë ballkonit të Zhulietës i jam lutur Lulzim Bashës. Zgjedhjet pa garë nuk ishin zgjedhja jonë. Transformimi i Shkodrës është sfida ime personale”.
Ndërkohë pak më larg takimit elektoral të PS-së ndodhen mbështetësit e PD-së, të udhëhequr nga kryebashkiakja Ademi.
