Kanë mbërritur në Gjykatën e Shkodrës 12 të arrestuarit e operacionit “Maranaj”, ku u zbulua një skemë fajdesh që funksiononte prej vitesh në këtë qytet.
Të arrestuarit do të njihen sot me rivlerësimin e masës së sigurisë, ndërsa kanë mohuar akuzat dhe do të kërkojnë që të lirohen.
Të akuzuarit ushtronin veprimtari të paligjshme të dhënies së parave hua me një përqindje që varionte nga 3-20%. Sipas Prokurorisë, nëse nuk kthehej shuma e huasë, personat e përfshirë në skemë sekuestronin makinat dhe pronat e personave që e kishin marrë atë. Nga ky operacion u sekuestruan, toka, dyqane dhe 500 mijë euro.
