Shkencëtarja kryesore në testimin e vaksinës kineze kundër koronsavirusit Sinovac, në shtetin e Indonezisë, Novilia Sjafri Bachtiar ka ndërruar jetë ditën e djeshme. Sipas mediave vendase, vdekja e saj u shkaktua pas trajtimit që po i bëhej në një spital në qytetin e Bandung, pasi ishte infektuar me koronavirus.
Ministri i Shtetit për Sipërmarrjen në Indonezi, Erick Tohir dha një mesazh ngushëllues në rrjetet sociale për humbjen e saj, por nuk dha detaje për shkaqet zyrtare të vdekjes, shkruan The Jakarta Post.
”Ajo ishte shkencëtare kryesore dhe drejtuese e dhjetra provave klinike të bëra nga kompania Biopharma, duke përfshirë bashkëpunimin në testimin e vaksinave kineze të Sinovac”, tha ai. Vdekja e Novilia Sjafri Bachtiar vjen ndërsa viktimat nga koronavirusi arrijnë nivele rekord në Indonezi, një nga vendet ku vaksina Sinovac është përdorur më gjerësisht.
Sipas grupit të pavarur të të dhënave Lapor Covid-19, 131 punonjës të kujdesit shëndetësor, kryesisht të vaksinuar me Sinovac, kanë vdekur që nga qershori, teska deri më tani në muajin korrik, kanë humbur jetën 50 persona.
Indonezia raportoi më shumë se 1.000 vdekje të koronavirusit në ditë për herë të parë të mërkurën e 7 korrikut dhe një rekord prej 34,379 të infektuarish. Vala e fundit e infeksioneve është nxitur nga varianti Delta, i identifikuar së pari në Indi.
