Janë dëgjuar të shtëna me armë zjarri te kryqëzimi i “Komunës së Parisit” në Tiranë.
Ngjarja ka ndodhur para pak minutash, ndërsa shënjestër ka qenë një 24-vjeçar me inicialet L.H i cili u plagos në shpatull.
Paraprakisht thuhet se ndaj këtij personi është qëlluar me dy plumba. Mësohet se ai është plagosur gjatë shkëmbimit të zjarrit mes disa makinash që lëviznin, duke terrorizuar edhe banorët e zonës.
Policia ndodhet në vendngjarje dhe po punon për identifikimin e autorëve dhe për zbardhjen e plotë të ngjarjes.
Informacion paraprak.
Më datë 03.08.2017, në Numrin e Emergjencave 112, rreth orës 19:55, ka ardhur një telefonatë për shkëmbim zjarri në kryqëzimin e Komunës së Parisit.
Në vendngjarje kanë mbërritur shërbimet e policisë dhe ambulanca.
Nga hetimet paraprake ka rezultuar se ka pasur një shkëmbim zjarri midis disa mjeteve, ku për pasojë ka mbetur i plagosur në shpatull shtetasi L.H., 24 vjeç, i cili ndodhet në spital nën kujdesin e mjekëve.
Janë ngritur pika kontrolli në hyrje-dalje të qytetit. Vazhdon krehja e zonës.
Grupi hetimor po punon për identifikimin dhe kapjen e autorëve dhe zbardhjen e plotë të rrethanave të ngjarjes.
