Kolegji i Posaçëm i Apelimit ka shkarkuar sot nga detyra gjyqtarin Edmond Islamaj.
KPA vendosi rrëzimin e KPK-së për anëtarin e Gjykatës së Lartë, pas ankimit të vendimit nga Komisioneri Publik.
Fill pas ankimimit, Kolegji hapi shqyrtimin gjyqësor dhe vendosi shkarkimin e gjyqtarit, pasi kishte kryer deklarim të pasaktë dhe të paplotë të pasurisë.
Islamaj, pas diplomimit si jurist në vitin 1992 ka filluar punë si gjyqtar në Gjykatën e Rrethit Gjyqësor Durrës, duke ushtruar këtë detyrë deri në maj 1993 kur është emëruar në detyrën e Kryetarit të Gjykatës së Rrethit Gjyqësor Sarande.
Në këtë gjykatë ka punuar deri në gusht të vitit 1995, për të vazhduar më tej me detyrën e gjyqtarit pranë Gjykatës së Rrethit Gjyqësor Krujë. Në nëntor 1998 është emëruar Kryetar i Gjykatës së Rrethit Gjyqësor Kavajë deri në prill të vitit 2002 kur Islamaj është emëruar në detyrën e Kryeinspektorit në Inspektoratin e Këshillit të Lartë të Drejtësisë.
Në dhjetor 2003 është emëruar gjyqtar në Gjykatën e Apelit Tiranë.
