Gjashtë të vrarë dhe 200 të plagosur është bilanci i tubimeve masive që ndodhën në Xhakartë kundër rizgjedhjes së presidentit indonezian Joko Widodo. Policia indoneziane konfirmoi numrin e të vdekurve bazuar në raportet e nxjerra nga spitalet. Ata thanë se shkaku i vdekjes ishte akoma duke u hetuar.
Shefi i policisë kombëtare ka mohuar faktin se oficerët e tij kanë përdorur municione të rënda.
“Disa kishin plagë me armë zjarri, disa kishin plagë të forta, por ne ende duhet ta sqarojmë këtë”, tha shefi i policisë kombëtare, Tito Karnavian, duke iu referuar gjashtë personave që humbën jetën, të cilët besohet të jenë vrarë gjatë natës.
Autoritetet kanë thënë se protestat ishin planifikuar dhe “jo spontane”. Ata kanë sugjeruar se një grup i provokatorëve mund të ketë qenë përgjegjës për dhunën.
Protestat në kryeqytetin Jakarta filluan në mënyrë paqësore të martën por shpejt u kthyen të dhunshme, me makina të ndezura dhe fishekzjarre të hedhura kundrejt policisë. Policia përdori gaz lotsjellës për të shpërndarë turmën.
Protestat shpërthyen pasi rezultatet e zgjedhjeve treguan se Widodo kishte mundur rivalin e tij Prabowo Subianto.
