Ish-zyrtarja e LSI-së, Brisida Gjikondi, ka bërë një deklaratë të fortë sot në emisionin “Breaking”, pas vendimit të shpalljes “non-grata’ të ish-kryeministrit Sali Berisha nga Departamenti Amerikan i Shtetit.
Në kohën që SHBA futi në listën e zezë Sali Berishën, anëtarja e Shoqërisë Civile, Brisida Gjikondi ka nxjerrë prapaskenat, duke zbuluar në të njëjtën kohë emrin e politikanit që do ketë fatin e njëjtë si të Berishës.
Sipas saj, vendimi i DASH ishte një mesazh i qartë për politikën shqiptare. Ajo shtoi më tej në argumentin e saj se Amerika nuk merret me lideret në pushtet, dhe se shkarkimi i Metës do të jetë i përshpejtuar.
“Mendoj se numri i dytë është Meta, ata kanë qenë dy faktorët më destabilizues. Vendimi i DASH, mesazh për politikën. Amerika nuk merret me liderët në pushtet, shkarkimi i Metës do të jetë i përshpejtuar”, tha Gjikondi.
Më pas përfaqësuesja e Shoqërisë Civile u shpreh se në NATO nuk hymë prej Berishës, por prej gjeo-politikës që është Shqipëria.
Ish-kryeministri Sali Berisha së bashku me bashkëshorten dhe dy fëmijët e tij, Shkëlzen dhe Argita, janë zyrtarisht në listën e zezë të SHBA. Shpalljen non-grata të familjes Berisha e njoftoi Sekretari Amerikan i Shtetit, Antony Blinken, bashkë me arsyet se ku bazohet ky vendim i SHBA.
Në një raport më të detajuar, Departamenti Amerikan i Shtetit përcakton si motiv të shpalljes “non grata” të Sali Berishës dhe familjes së tij, përfshirjen në korrupsion dhe përdorimin e pushtetit për të pasuruar familjen dhe aleatët e tij.
