Deputeti Lefter Maliqi, në fjalën e tij gjatë seancës së posaçme plenare për shkarkimin e Ilir Metës, e konsideroi kryeministrin Rama një mosmirënjohës, pasi sipas tij, ishte Meta ai që e solli në pushtet në vitin 2013.
“Sot një farsë dhe një gjyq politik, ju dëgjuat kryeministrin, që sot është i pakicës, pas zgjedhje të 30 qershorit. Sot ai foli me ëndrrën e tij prej një diktatori dhe i bën gjyqin politik presidentit dhe nuk ka më turp e skandal se sa ju që sot i bëni gjyqin politik një njeriu që iu solli në pushtet në 2013, e qe ju i luteshit natën me ngjala. Duhet të kuptojmë që nuk ka gjë më të keqe se mosmirënjohja, Meta ka qenë kryeministri këtyre, në 2007 i dha bashkinë, ky i rrinte mbrapa kur ishte kryeministër”, theksoi deputeti.
Po ashtu, Maliqi bëri thirrje për protesta të vazhdueshme, me qëllim për të rrëzuar qeverinë aktuale.
“Komisionin do ta drejtojë Ulsiu që na nderoi me Dibrën. U bëj thirrje deputetëve të opozitës së re, të shohim si do votojnë sot se herën e kaluar thanë se nuk do votojmë. Koha është sot për rrëzimin e kësaj qeverie, është turp kush po na drejton e kush po e udhëheq këtë popull”, u shpreh Maliqi.
