Kryeministri Edi Rama gjatë një konference të përbashkët me komisionerin e Zgjerimit të Bashkimit Evropian, Johannes Hahn tha se kushdo që akuzon për tradhti në marrëveshjen e detit me Greqinë do të ndihet i turpëruar nga vetë opinioni publik.
Sa i përket kësaj çështjeje Hahn tha se BE nuk pranon vende që kanë konflikte me fqinjët, ndaj është kërkuar që Shqipëria të hyjë në bisedime me Greqinë.
Hahn foli edhe për deklaratën e tij për kufijtë midis dy vendeve. Ai specifikoi se ka pasur një keqkuptim në këtë aspekt, dhe se ai ka e pasur fjalën vetëm për marrëveshjen e kufirit detar midis Greqisë dhe Shqipërisë.
Nga ana e tij, Rama i cilësoi bisedimet si një moment historik për të ndryshuar rrjedhën e ngjarjeve të mëtejshme midis dy vendeve por nuk pranoi të cilësohet tradhtar në këtë marrëveshje.
Edi Rama: Na presin muaj të vështirë për përgatitjet. Ajo që ne duam është që të transformojë vendin me një ndryshim dinamik, dhe duam që të kemi një histori tjetër me Greqinë. Kushdo që akuzon për tradhti do të turpërohet nga të dyja palët e opinionit publik.
Johannes Hahn: BE nuk do të pranojë vende që kanë konflikte me fqinjët. Nga puna e bërë deri më tani ne kemi përshpejtuar procesin e integrimit. Për shembull, si në rastin e Maqedonisë. Më vjen keq që ka pasur keqkuptime, gjithçka ka pasur të bëjë me vijën kufitare të detare.
TIRANA TODAY
