Një detaj në foton e publikuar nga deputeti Ralf Gjoni po bën bujë në rrjet. Bëhet fjale për një foto të publikuar nga deputeti me mikun e tij John Grogan.
“Me mikun tim shumë të mirë John Grogan MP, Deputet Laburist & Kryetar i Grupit të Miqësisë me Shqipërinë në Parlamentin Britanik. Mirënjohës për mbështetjen e tij të fortë në vite!”, shkruan Gjoni në Facebook, ndërsa ajo që ka rënë në sy është një detaj tek Grogan.
Nën xhaketën e tij ndodhet një objekt, që në media po përshkruhet si një shishe alkooli.
Grogan ishte i ftuar në Kongresin e Partisë Socialiste që u mbajt të shtunën e 23 Marsit, dhe apeloi që opozita në vendin tonë ti kthehej rrugës së normalitetit.
Ralf Gjoni të enjten e kaluar mori mandatin e deputetit në Kuvendin e Shqipërisë, ku u sulmua me bojë në drejtimin e tij.
