Zyra e Emigracionit në Britani po u mohon kërkesën për azil një shumë fëmijëve që kanë rënë pre e skllavërisë moderne, pavarësisht nga frika se shumë prej tyre do të bien në duart e trafikantëve nëse do të dëbohen.
Ministrat janë akuzuar për dështimin, përsa i përket të drejtave për mbrojtjen e fëmijëve, sipas të dhënave të publikuara nga viti 2015 deri në vitin 2017, qeveria u ka mohuar azilin 183 fëmijëve të trafikuar ose të skllavëruar, që është dyfish i numrit me tre vitet e mëparshme.
Gjetjet, të marra nga Fondacioni Thomson Reuters, do të nxisin shqetësimin në rritje se qeveria po dështon të mbrojë njerëzit në Britani, të cilët kanë shpëtuar nga skllavëria dhe shfrytëzimi. Organizatat bamirëse paralajmërojnë se rregullat e ashpra të emigracionit mund të shmangin viktimat e tjera të trafikimit në të ardhmen.
Hulumtimet e mëparshme nga ECPAT zbuluan se 28 për qind e fëmijëve të trafikuar u zhdukën nga kujdesi të paktën një herë, dhe shumica e tyre janë larguar qëllimisht nga qendrat e kujdesit pasi kanë mbushur moshën 18-vjeç, në mënyrë që t’i shmangeshin qendrave të paraburgimit.
Në Britani, 2,118 fëmijë dyshohet se u trafikuan, shumica janë shfrytëzuar seksualisht, si dhe janë detyruar që të bëjnë punë të rënda. Vendet e origjinës së fëmijëve të skllavëruar janë: Vietnami, Shqipëria, Sudani etj.
Burimi: independent.co.uk
Përshtati: Tirana Today
