Bashkëshortja e Mauro Icardit, Wanda Nara shquhet për karakterin e fortë, duke mos lëshuar pe, si në futboll ashtu edhe në jetën private.
Së fundmi gazetari argjentinas Angled De Brito ka bërë publike një histori mes çiftit, teksa bëhet fjalë për disa vite më parë, kur Mauro dhe Wanda kishin shkuar diku me pushime.
Wanda Nara ishte e vetëdijshme se shumë femra të bukura po mundoheshin t’i afroheshin Mauros së saj. Gjithashtu, ajo ishte në dijeni për një telefon celular të dytë të cilin sulmuesi po e përdorte për pjesën e privatësisë. Mirëpo, pikërisht telefoni i dytë në atë dytë relaksi në një jaht, u bë mollë sherri për të dy.
Wanda e kishte vërejtur se Icardit i kishte mbërritur një mesazh aspak i pëlqyeshëm, teksa reagimi ishte tepër i ashpër. Bashkëshortja e sulmuesit të Interit nuk u përmbajt, duke e hedhur telefonin e sulmuesit në det.
