Blutë e Tiranës kanë prangosur një 26-vjeçare, si dhe janë proceduar penalisht dy vajza të tjera, njëra 18 vjeçe dhe tjetra 19 vjeçe, pas një konflikti fizik mes tyre në kryeqytet. Gjatë sherrit, vajzat kanë përdorur edhe doreza metalike për të goditur njëra-tjetrën. Specialistët për Hetimin e Krimeve në Komisariatin e Policisë Nr. 3, bënë arrestimin e shtetases A. H., 26 vjeçe si dhe u proceduan në gjendje të lirë shtetaset K. T., 18 vjeçe dhe M. M., 19 vjeçe. Ato, për motive të dobëta janë konfliktuar me njëra-tjetrën.
“Specialistët për Hetimin e Krimeve në Komisariatin e Policisë Nr. 3 bënë arrestimin e shtetases A. H., 26 vjeçe si dhe u proceduan në gjendje të lirë shtetaset K. T., 18 vjeçe dhe M. M., 19 vjeçe, pasi për motive të dobëta janë konfliktuar me njëra tjetrën. Në vijim të veprimeve, gjatë kontrollit fizik të shtetases A. H., iu gjet një dorezë metalike e cila iu sekuestrua në cilësinë e provës materiale”, njofton zyrtarisht policia e Tiranës.
