Drejtori i shkollës 9-vjeçare të fshatit Stropckë, Adriatik Haxhillari, doli sot para gjykatës në Pogradec për t’u njohur me masën e sigurisë. Ai u la në “arrest me burg” për 40 ditë. Ky është vendimi paraprak i Gjykatës së Pogradecit për 59-vjeçarin, i cili u arrestua pas denoncimit të dy nxënëseve të tij, se i ngacmonte dhe provokonte seksualisht në klasë dhe jashtë mësimit.
Haxhillari u arrestua të shtunën, pasi u denoncua nga dy nxënëse për ngacmim seksual. Gjatë seancës që u mbajt me dyer të mbyllura, 59-vjeçari i ka mohuar akuzat.
Familjarët e Adriatikut nuk pranojnë akuzën ndaj tij, madje pretendojnë se atij i është ngritur kurth.
“Ai është i pafajshëm, e kanë futur vajzat (nxënëset) në kurth”, shprehen të afërm të të arrestuarit.
