Një sherr mes shoferëve të furgonëve është regjistruar këtë pasdite në qytetin e Korçës. Si pasojë e këtij konflikti, një person ka mbetur i lënduar, pasi u godit me kaçavidë dhe mjete të tjera.
Burime nga “BalkanWeb” bëjnë me dije se shkak për sherrin dyshohet të ketë qenë orari i nisjes së furgonëve. Ngjarja ka ndodhur në vendin e quajtur “Zjarrfikësja”.
Grupi i hetimit ka mbërritur në vendin e ngjarjes, ndërsa policia ka shoqëruar personat e përfshirë në përplasje.
