Një ngjarje e rëndë ka ndodhur në Turqi mbrëmjen e djeshme, ku pas përplasjes së dy grupeve, ka mbetur i vrarë me thikë një 19-vjeçar shqiptar, teksa u plagos edhe një bashkëatdhetar i tij.
Ngjarja u regjistrua në zonën e Zeytinburnu të Stambollit rreth orës 21:00 të mbrëmjes, shkruan media, Haberturk.
Sherri mes dy grupeve të huaja nisi për shkaqe banale dhe përfundoi në plagosjen e shqiptarit me iniciale B. M. dhe vrasjen e shokut të tij, Serxho Sharra.
19-vjeçari Sharra, i cili u plagos me thikë, u dërgua në spitalin Bakırköy Dr, por fatkeqësisht nuk mundi t’i shpëtonte plagëve të marra, ndërkohë që shoku i tij është në gjendje të rëndë shëndetësore.
Ekipet e policisë, të cilët morën informacion në lidhje me incidentin nga qytetarët që panë gjarjen, filluan punën për të kapur të dyshuarit që u larguan pas krimit të kryer.
