Një sherr ka ndodhur pasditen e sotme në Tropojë, ku për pasojë ka mbetur një person i plagosur.
Ngjarja është regjistruar në fshatin Bujan, rreth orës 14:30. Burime zyrtare nga policia bënë me dije se si pasojë e një konflikti të çastit për motive pronësie, shtetasi me inicialet R. B., në afërsi të banesës, ka plagosur me armë zjarri pistoletë, jashtë rrezikut për jetën, komshiun e tij shtetasin A. H.
Ky i fundit është punonjës policie i Komisariatit të Policisë Tropojë, i cili në momentin e ngjarjes ishte jashtë shërbimit dhe ngjarja s’ka lidhje me detyrën.
Policia është nisur menjëherë në vendngjarje për të bërë të mundur ndalimin e autorit.
