Mediat italiane njoftojnë se është konfirmuar rasti i parë me koronavirus në Italinë e jugut.
Një grua nga Palermo që u shtrua në spitalin Cervello për kontrolle, pasi kishte shfaqur simptoma gripi ka rezultuar pozitive me koronavirus.
“Kemi një rast që rezultoi pozitiv pas analizës së tamponit”, njofton rajoni siçilian.
Mësohet se gruaja bashkë me miqtë e të afërmit e saj që kanë qenë në kontakt me të janë vendosur në karantinë. Ndërkohë raportohet se në Val d’Aosta rastet e para të dyshuara me koronavirus kanë rezultuar negative.
Në këtë rajon dyshohej për 6 raste infektimi, por pas analizave të bëra natën vonë në laboratorët e Milanos dhe Torinos, rezultatet kanë dalë negative. Deri më tani në Itali janë shënuar 7 viktima nga koronavirusi, teksa janë raportuar më shumë se 200 raste infektimi.
