Dy raste të tjera me koronavirus janë shënuar në Indonezi, duke e çuar në 4 numrin e të prekurve nga virusi vdekjeprurës.
Ministri i Shëndetësisë, Achmad Yurianto bëri me dije se të prekurit janë në të 30-at e tyre dhe ishin testuar, pasi kishin qenë në kontakt me dy rastet e konfirmuara më parë.
Kujtojmë se në Indonezi dy rastet e para u konfirmuan në fillim të javës. Bëhet fjalë për një nënë bashkë me vajzën e saj, të cilat jetonin në zonën e Depok afër Xhakartës.
Deri më tani numri i të infektuarve nga koronavirusi në rang global ka shkuar mbi 100 mijë. Mbi 3,400 persona kanë ndërruar jetë nga koronavirusi, ndërsa mbi 55 mijë persona janë shëruar.
