Irani është bërë vendi i parë në Lindjen e Mesme, ku janë konfirmuar raste të infektimit me koronavirus.
Sipas mediave të huaja, koronavirusi ka shënuar 8 viktima në Iran dhe deri më tani janë raportuar edhe 43 persona të tjerë të infektuar. Përhapja e virusit në këtë shtet ka bërë që Turqia të mbyllë kufirin e saj me Iranin, si një masë parandaluese ndaj përhapjes së koronavirusit.
Virusi ka pasur një përhapje të madhe edhe në Itali, ku edhe u shënuan 2 viktimat e para. Ndërkohë numri total i viktimave të shënuara nga koronavirusi është 2,468.
