Krydemokrati Lulzim Basha reagoi sot ndaj ligjit të miratuar dje në Kuvend që parashikon shembjen e Teatrit Kombëtar. Në një konferencë për shtyp, Basha e konsideroi këtë vendim një akt anti-kushtetues dhe shkatërrues i shtetit ligjor.
Sipas tij, i gjithë qëllimi i Ramës është që të pastrojë paratë e drogës duke ndërtuar kulla në vend të Teatrit dhe mbi Teatrin.
“I vetmi qëllim është grabitja e tokës në mes të Tiranës për të ndërtuar 6 kulla betoni. Nuk ka lidhje me teatri. Qëllimi është pastrimi i parave të pista të drogës. Vite më parë në një raport të OSBE u tha se vetëm nga korrupsioni i lejeve të ndërtimit, Rama ka përfituar mbi 200 mln euro,. Imagjinoni sa ka fituar këto vite nga paratë e drogës. Këto para nuk mbahen dot në thasë, as nuk futen në bankë, ndaj ka planifikuar këto ndërtime. Ligji që ka miratuar dje kuvendi është antikushtetues, dhe shkatërrues i shtetit ligjor. Dje kuvendi ka konsumuar krimin më të rëndë në historinë e tij 27-vjeçare. Projekti i Ramës është një akt barbar dhe plot urrejtje ndaj kulturës, artistëve. Rama është shkatërrues serial dhe i pamëshirshëm ndaj çdo vlere në qytetin e Tiranës”, u shpreh Basha.
