Ish-deputeti demokrat, Tritan Shehu, ka komentuar premtimin e fundit të mbajtur nga kryeministri Rama, i cili u shpreh se do të ketë një paketë të re investimesh për Gjirokastrën.
Përmes një postimi në Facebook, Shehu shprehet se Gjirokastra është ushqyer vetëm me gënjeshtrat e kryeministrit, pasi sipas tij, ky qark është sot më i varfri në nivel vendi dhe është totalisht i braktisur nga Rilindja.
Më tej, ish-deputeti liston problemet me të cilat po përballet qarku i Gjirokastrës në vite, teksa shton se ‘ky kryeministër veçse i përdor për ta vënë në lojë këtë trevë historike’.
Postimi i plotë:
Gjirokastriteve Kryeministri nuk ja mbulon dot “diellin me shoshe”. Ne fakt as “barcaletat” e tij te sotme per ”zhvillimin e projektet” ne 3 D per Gjirokastren, nuk i bejne me as te qeshin ata. Prej gjashte vitesh jo vetem gjirokastritet, por dhe Tepelena, Memaliaj, Permeti, Kelcyre, Dropulli, Libohova jane ushqyer vetem me brockulla e genjeshtra tashme te “dale boje”. Qarku i Gjirokastrs eshte sot me i varferi ne nivel vendi, me i abandonuari nga kjo Rilindje, pa asnje mbeshtetje, projekt apo investim serioz.
Punimet ne Rrugen Kardhiq-Delvine ne realitet jane te bllokuara, rruga Permet- Tre Urat pothuajse e pa kalueshme, Aeroporti i Gjirokastres i abandonuar, i ashtuquajturi by-pass i Tepelenes eshte katandisur ne nje zgjerim te rruges ekzistuese me kosto 22 M Euro per Km, per Boshtin e Jugut as qe behet fjale etj.
Asnje investim ne bujqesi, blektori, spitali i Tepelenes e Permetit drejt mbylljes, ai i Gjirokastres se bashku me Universitetin drejt atrofizimit etj etj. Varferia e papunesia drejt “qiellit”, ndersa perkrahja sociale nderpritet.
Gjirokastra vete po shkaterrohet per dite, ndersa projekti i zevendesimit te kalldremit eshte financuar nga Fondi Amerikan i Zhvillimit dhe jo i qarte ne cfare do te prodhoje. Meqenese Kryeministri mburr turizmin e ketij viti aty, desheroj t’i them se ai eshte ne nivelet me te ulta te viteve te fundit, si numer apo dhe si te ardhura per Qytetin e Qarkun.
Ne me pak se nje vit mbi 7000 banore kane braktisur Qarkun, si dhe lindeshmeria ne ate eshte me e ulta ne Republike, me nje renie 10% ndaj nje viti me pare. Ky eshte Qarku e Gjirokastra e Rilindjes, ajo e varferise, harreses, vrasjes se shpreses, kur ne te vertete eshte ajo e vlerave, traditave, potencialeve e mundesive te medha, te cilat ky Kryeminister vecse i perdor per ta vene ne loje kete treve historike. Nqs mendoni se mund t’i perdorni si lolo gjirokastritet, gaboni rende.
